會計師要做啲咩工作?

1010330_154030_61    會計是以貨幣為主要計量單位,以憑證為主要依據,借助於專門的技術方法,對一定單位的資金運動進行全面、綜合、連續、系統的核算與監督,向有關方面提供會計資訊、參與經營管理、旨在提高經濟效益的一種經濟管理活動。

會計師是一行專業,其工作範疇包括財務、會計、成本、審計、稅務策劃、投資分析及管理等。 如果你根據以上解釋去講會計師工作, 每個範疇要做既野唔同, 所以分開講會比較好.

會計就係做月結/年結以及每月做資料分析、向上頭交報告、確保公司財務狀況根據內部監管指引、確保財務紀錄根據會計準則及公司稅務等.

審計可以分內部審計或外部審計. 大公司會有內部審計, 主要就係審核及分析公司運作及財務、睇下公司的內部監管、制定及實施內審計劃、風險評核及內部監控制度. 如果講外部核數, 佢地係check客戶盤數有無做假, 主要係跟核數準則去做事. 所為跟核數準則唔會只係坐起辦工室check客戶文件咁容易, 你仲會有機會要去客戶公司工作, 客戶係大陸都要去, 工作環境差都要接受. 如果上到好高級, 就要做埋搵客工作.

成本會計比較涉及管理層面, 主要就係向上級匯報、做預算、成本及財務分析、分析財務差異以及同其他部門合作.

稅務策劃就係向顧客提供稅務方案, 包括如何合法慳稅、唔同計劃對稅務有乜影響等等.

會計其實唔係輕鬆工作, 亦未必好似一些人覺得般好容易賺大錢, 初入行份人工其實唔高又好辛苦, 特別去會計師事務所做. 去大公司做會計師, 有大學學歷加幾年經驗唔少得.

Tags: , ,